शस्त्रधारी सराईत दरोडोखोरांवर पोलीसांची धाड
- वेगवान मराठी बीड क्राईम रिपोर्टर केज-K.D.MUNDE
दिनांक 06/01/2025
( स्थानिक गुन्हे शाखा-बीड कामगिरी)
स्थानिक गुन्हे शाखा,बीड ने केज हद्दीतील लहुरी येथे अभिलेखावरील सराईत आरोपीकडुन एक गावठी पिस्टल व काडतुस जप्त करुन दोन शस्त्रधारी,दरोडेखोर,सराईत आरोपींच्या मुसक्या आवळण्यात आल्या आहेत 👇 **************************************
मा. श्री. नवनीत काँवत पोलीस अधीक्षक,बीड यांनी अवैध अग्निशस्त्र बाळगणाऱ्या विरुध्द कडक कारवाई करण्याचे आदेश दिलेले आहेत. - त्यावरुन पोलीस निरीक्षक श्री.उस्मान शेख स्था.गु.शा.बीड यांनी अवैध अग्निशस्त्राची गोपनिय माहिती काढणेबाबत अधिपत्याखालील अधिकारी व अंमलदार यांना सुचना दिल्या.
- त्यावरुन दिनांक 06/01/2025 रोजी स्थागुशा बीड येथील पोह/ जफर पठाण यांना गुप्त बातमी मिळाली की, इसम नामे सोमनाथ राजाभाऊ चाळक रा.लहुरी ता.केज याचेकडे एक गावठी कट्टा असून तो लहुरी येथे जिल्हा परिषद शाळा जवळ थांबला आहे.
- अशी खात्रीलायक बातमी मिळताच सदरची खबर पो.नि. श्री. उस्मान शेख यांना देवुन त्यांनी पुढील कायदेशीर कारवाई करण्याचे आदेश पोह पठाण यांना दिले. त्यावरुन पोह पठाण यांनी सोबत स्थागुशा स्टाफ यांना घेवुन बातमी ठिकाणी जावुन सापळा लावला व लहुरी येथुन इसम नामे सोमनाथ राजाभाऊ चाळक रा.लाहुरी ता.केज हा यास ताब्यात घेवुन त्याचे जवळ कमरेला एक गावठी बनावटीची पिस्टल व दोन जिवंत काडतुस बेकायदेशीररित्या मिळुन आले.
- सदर आरोपीकडे अधिक चौकशी करता त्याने सदर गावठी पिस्टल विकास सुभाष सावंत रा.सावंतवाडी ता.केज जि.बीड याचेकडुन आणल्याने सांगितले त्यानंतर सुभाष सावंतचा शोध घेवुन त्यास सावंतवाडी येथुन ताब्यात घेतले आहे.
- आरोपीकडुन जप्त केलेला एक गावठी बनावटीची पिस्टल व दोन जिवंत काडतुस कि.अ.42000/- रु चा मुद्देमाल व वर नमुद दोन्ही आरोपी पो.स्टे.केज यांचे ताब्यात देण्यात आले असुन त्यांचे विरुध्द पो.स्टे.केज येथे भारतीय शस्त्र अधिनियम कलम 3/25 अन्वये गुन्हा नोंद करण्याची प्रक्रिया चालु आहे. नमुद दोन्ही आरोपींनी यापुर्वी पो.स्टे.केज, वडवणी ,युसुफ वडगाव, कळंब येथे पेट्रोलपंपावर कोयत्याचा धाक दाखवुन दहशत निर्माण करुन जबरी चोरीचे गुन्हे केले होते,स्थानिक गुन्हे शाखा,बीड ने या कोयता गँगचा पर्दाफाश करुन 05 जबरी चोरीचे गुन्हे उघडकीस आणले होते.
- सदर आरोपींचा गुन्हे अभिलेख पाहता आरोपी 1) विकास सुभाष सावंत रा.सावंतवाडी ता.केज याचेवर पुणे जिल्हया पो.स्टे.भारती विद्यापिठ (पुणे) येथे दरोडयाची तयारी 01, मारहाणीचा 01, पो.स्टे.सिंहगड (पुणे) येथे चोरीचा 01 व अग्निशस्त्र बाळलेला 01 गुन्हा तसेच बीड जिल्हयात कोयत्याचा धाक दाखवुन जबरी चोरीचे 03 व धाराशिव जिल्हयात 02 असे गुन्हे दाखल आहेत. आरोपी नामे सोमनाथ राजाभाऊ चाळक रा.लहुरी ता.केज याचे वरील बीड जिल्हयात कोयत्याचा धाक दाखवुन जबरी चोरी करणेचे 03 व धाराशिव जिल्हयात 02 गुन्हे दाखल आहेत.
- सदरची कामगिरी मा.श्री. नवनीत काँवत पोलीस अधीक्षक,बीड , मा.श्री. सचिन पांडकर अपर पोलीस अधीक्षक बीड, पोनि श्री. उस्मान शेख स्था.गु.शा.बीड यांचे मार्गदर्शनाखाली पोह/जफर पठाण, महेश जोगदंड, तुषार गायकवाड, बप्पासाहेब घोडके , चालक गणेश मराडे यांनी मिळुन केली आहे.