बीड ब्रेकिंग तळेगांव येथील वेशालयावर रेड टंच ललना ताब्यात

तळेगाव मधील वेश्या व्यवसायावर AHTU चा छापा

अनैतिक मानवी वाहतूक प्रतिबंध कक्षाची(AHTU) कारवाईत, दोन पिडीत महिलांची सुटका,

वेश्या व्यवसाय चालविणाऱ्या दोघांवर पोस्टे बीड ग्रामीण मधे गुन्हा दाखल

Beed police raid a brothel in Talegaon and arrest Lalna

वेगवान मराठी प्रतिनिधी केशव डि मुंडे _दिनांक ३१ ऑक्टोबर 25 याविषयी सविस्तर बातमी अशी की, अनैतिक वाहतूक प्रतिबंध कक्ष बीडच्या पोलीस उप निरीक्षक पल्लवी जाधव यांना दिनांक ३०/१०/२०२५ रोजी दुपारी गुप्त बातमीदारामार्फत माहीती मिळाली की , पोलीस ठाणे बीड ग्रामीण हद्दीत तळेगाव येथे एका पत्र्याच्या शेड मधे दोन महिलांना बाहेर जिल्ह्यातून बोलावून, वेश्या व्यवसाय करीत आहेत. ही माहिती वरिष्ठांना देण्यात आली.

त्यावरून वरिष्ठांनी पोलीस निरीक्षक उमाशंकर कस्तुरे यांना सदर ठिकाणी छापा टाकण्याचे लेखी आदेश दिले. त्यावरून PI कस्तुरे व अ. मा. वा. प्र. कक्षाच्या प्रमुख PSI पल्लवी जाधव या त्यांच्या संपूर्ण स्टाफसह तसेच डमी ग्राहक व पंचासह सापळापूर्व पंचनामा करून सदर ठिकाणी गेले. डमी ग्राहकास सदर ठिकाणी पाठवून खात्री केली असता

तेथे असलेल्या महिला एजंटने वेश्या गमनासाठी होकार देवून त्यासाठी १००० रुपयांची मागणी केली.

डमी ग्राहकाने ठरल्या प्रमाणे रक्कम देवून पोलीस पथकास ठरलेला इशारा केला असता, पोलीस पथकाने सदर ठिकाणी छापा मारला.

पैसे स्वीकारलेल्या महिलेला तिचे नाव गाव विचारले असता, तिने तिचे नाव माया अरुण कांबळे (वय ३८ वर्षे रा.महाकुंडे वसती, तळेगाव ता.जि बीड) असे सांगितले.

सदर महिलेची झडती घेतली असता डमी ग्राहकाने दिलेल्या नमूद वर्णनाच्या ५०० रू. दराच्या २ नोटा मिळून आल्याने त्या पंचासमक्ष जप्त केल्या. सदर ठिकाणी दोन पीडित महिला मिळून आल्या. पीडीत महिलांना विश्वासात घेवून चौकशी केली असता ,

त्यांनी सांगितले की, माया अरुण कांबळे आणि तिचा सहकारी सुरेश नवनाथ भोसले रा. महाकुंडे वसती तळेगाव ता. जि. बीड हे दोघे पीडीत महिलांना बाहेर जिल्ह्यातून बोलवून घेतात व स्वतःच्या आर्थिक फायद्यासाठी ग्राहकाकडून पैसे घेवून, पीडीत महिलांकडून वेश्या व्यवसाय करुन घेत असल्याचे सांगितले.

आरोपी माया अरुण कांबळे हिची दोन पंचा समक्ष झडती घेतली असता, तिच्याकडे डमी ग्राहकाने दिलेल्या २ नोटा मिळून आल्या.

तसेच रुमची झडती घेतली असता ३४ विना वापरलेले निरोध मिळून आले आहे. दोन्ही नमुद आरोपींवर पीडीत महिलांना स्वतःच्या आर्थिक फायद्यासाठी बोलावून घेऊन, स्वतःच्या ताब्यातील जागेचा वापर करुन त्याच कमाईवर उदरनिर्वाह करुन वेश्याव्यवसाय करण्यास लावले

व सदर महिलांचे शोषण करण्याच्या उद्देशाने बोलावले म्हणून त्यांच्या विरुद्ध बीड ग्रामीण पोलीस ठाण्यात अनैतिक मानवी व्यापार प्रतिबंध कायदा १९५६ कलम ३,४,५,६ व कलम ३(५) भा. न्या. संहिता प्रमाणे गुन्हा दाखल करण्यात आला आहे,

तसेच दोन पीडित महिलांची सुटका करण्यात आली आहे.
ही कारवाई पोलीस अधीक्षक नवनीत काँवत, अपर

पोलीस अधीक्षक सचिन पांडकर यांच्या मार्गदर्शनाखाली पोलीस निरीक्षक उमाशंकर कस्तुरे प्रभारी पोलीस उपअधीक्षक मुख्यालय , पोलीस उप निरीक्षक पल्लवी जाधव ,

महीला पोलीस हवालदार उषा चौरे, शोभा जाधव, पोलीस हवालदार प्रदीप येवले, अशोक शिंदे, पोलीस शिपाई गजानन चौधरी , उर्मिला म्हस्के सर्व नेमणूक अ. मा. वा. प्र. कक्ष यांनी केली.

केशव मुंडे

केशव मुंडे हे अनेक वर्षापासून पत्रकारिता करत आहे. सामाजिक, शैक्षणिक राजकीय, गुन्हेगारी सह विविध विषयांवर लिखान सध्या ते वेगवान समुहाच्या वेगवान मराठी मध्ये बीड जिल्ह्यातील प्रतिनिधी म्हणून काम पाहत आहे.